Жедел режимде түскен мәліметтерге сүйенсек, 2017 жылдың 4 тамызын қоса алғанда міндетті әлеуметтік медициналық сақтандыру жүйесіне аударылған төлемдердің жалпы сомасы 1,1 млрд теңгеден асып жығылды.
Өткен жұмыс аптасында Медициналық сақтандыру қорының ҚР Ұлттық банкіндегі шотына 480 млн теңгеден астам қаржы түскен. Түсімдердің жартысынан астамы – 54% – жұмыс берушілердің аударымдары болса, қалған 46% – жеке кәсіпкерлер мен азаматтық-құқықтық келісімшарт негізінде жұмыс істейтін тұлғалардың жарнасы.
