«Әлеуметтік медициналық сақтандыру қоры» КЕАҚ Қазақстанның медициналық ұйымдарына халыққа көрсетілген қызметтер үшін 697 млрд теңге төледі.
«2019 жылдың 8 айында республиканың медициналық ұйымдарына тегін медициналық көмектің кепілдік берілген көлемі (ТМККК) шеңберінде халыққа көрсетілген қызметтер үшін аударылған қаражат көлемі 697 млрд теңгені құрады», - делінген хабарламада.
Анықтама: МСҚ 2018 жылдан бастап ТМККК және міндетті әлеуметтік медициналық сақтандыру (МӘМС) пакеттерінің қаржылық операторы болып табылады және халыққа көрсетілетін медициналық қызметтерді ҚР Үкіметі бекіткен тәртіп бойынша сатып алумен айналысады.