Әлеуметтік медициналық сақтандыру қорында 2024 жылға 1 936 медициналық ұйыммен шарт жасалғанын айтты. 13 наурыздағы жағдай бойынша 1529 медициналық қызмет беруші 479,5 млрд теңге аванс алды.
ТМККК шеңберінде және МӘМС жүйесінде медициналық қызметтер көрсетуге жасалған шарттардың сомасы Бірыңғай дистрибьютор арқылы амбулаториялық дәрі-дәрмекпен қамтамасыз етуді қоса алғанда, биылғы жылға 2,6 трлн теңгеден астам соманы құрады. 1 936 медициналық ұйымның 64%-ы жеке клиникалар болып табылады.
Медициналық көмектің түрлері бойынша алып қарайтын болсақ, жеке жеткізушілердің саны жағынан ең көбі амбулаториялық гемодиализ қызметтеріне (жеткізушілердің жалпы санының 77%), стационарды алмастыратын көмекке (67%), консультациялық-диагностикалық көмекке (60%) тиесілі. Сонымен қатар стационарлық медициналық көмек, жоғары технологиялық медициналық көмек, оңалту және МСАК қызметтері бойынша мемлекеттік және жеке клиникалар шамамен тең үлестерді құрайды.
ӘМСҚ атап өткендей, Қормен шарт жасасу кезінде медициналық ұйым шарт сомасының 30%-нан аспайтын мөлшерде аванс (алдын ала төлем) ала алады. Бұл қаражат провайдерге алдыңғы қаржы жылын жабу процедуралары жүргізіліп жатқан кезде алғашқы үш-төрт айда медициналық көмек көрсетуге мүмкіндік береді.
«13 наурыздағы жағдай бойынша 1529 медициналық ұйым 479,5 млрд теңге сомаға аванс алды, оның ішінде ТМККК шеңберінде қаржыландыру – 224,4 млрд теңге, МӘМС жүйесінде 255,1 млрд теңгені құрайды. Біз 2024 жылғы 20 наурызға дейін аванстау мөлшері шарт сомасының 30%-на дейін жеткізіледі деп жоспарлап отырмыз», – деп атап өтті Әлеуметтік медициналық сақтандыру қоры басқарма төрағасының орынбасары Индира Саркенова.
Қор ағымдағы қаржы жылының алты және одан аз айларына шарт жасасқан, сондай-ақ егер олар бұрын ӘМСҚ-мен қызметтерді сатып алу шартын жасамаған медициналық ұйымдарға аванстар көзделмегенін атап көрсетті.
Бұл шектеулер балаларға және босану кезінде стационарлық көмек көрсететін провайдерлерге; айналасындағыларға қауіп төндіретін әлеуметтік маңызы бар аурулары мен аурулары бар науқастарға стационарлық көмекке (туберкулез, онкология, психикалық және мінез-құлық бұзылыстары, жұқпалы аурулар); жедел медициналық көмек; Қарулы Күштердің әскери-медициналық және мемлекеттік және арнайы құқық қорғау органдарының медициналық мекемелеріндегі медициналық көмекке қолданылмайды.
Медициналық көмек алу кезінде қосымша сұрақтар немесе мәселе туындаған жағдайда өз клиникасындағы Пациенттерді қолдау және ішкі сараптама қызметіне жүгіну қажет. Егер жағдайды сол жерде шешу мүмкін болмаса, Әлеуметтік медициналық сақтандыру қорының келесі байланыс арналарының біріне өтініш қалдыра алады:
• Qoldau 24/7 мобильді қосымшасы
• fms.kz ресми сайты
• Telegram-дағы @SaqtandyrýBot
• 1414 байланыс орталығы
Сондай-ақ Damumed, Halyk, BCC.KZ, Kaspi.kz мобильді қосымшалары МӘМС жүйесіндегі мәртебені тексеруге мүмкіндік береді. Сондай-ақ, электронды үкіметтің egov.kz сайтындағы «Денсаулық сақтау» бөлімінде «Міндетті әлеуметтік медициналық сақтандыру жүйесі аясында көрсетілетін медициналық қызметті тұтынушы ретінде қатысу туралы және аударымдардың және (немесе) жарналардың аударылған сомалары туралы ақпарат ұсыну» мемлекеттік қызметі арқылы медициналық сақтандыру жүйесіндегі мәртебені тексеруге және жүргізілген төлемдер туралы ақпарат алуға болады.