ТМККК шеңберінде және МӘМС жүйесінде медициналық қызметтер көрсетуге үміткер денсаулық сақтау субъектілерінің дерекқорын қалыптастыру сатып алу веб-порталында медициналық ұйымдар берген өтінімдер негізінде тұрақты жүзеге асырылады – fms.ecc.kz.
Өтінімге мынадай құжаттар бірге беріледі:
1) заңды тұлға үшін – заңды тұлғаны мемлекеттік тіркеу (қайта тіркеу) туралы куәліктің (анықтаманың) көшірмесі, жеке тұлға үшін-жеке кәсіпкер ретінде тіркеу туралы куәліктің (анықтаманың) көшірмесі және жеке басын куәландыратын құжаттың көшірмесі;
2) «Е-Лицензиялау» МДҚ интеграциясы арқылы тіркелетін құжаттар:
3) ТМККК шеңберінде және (немесе) МӘМС жүйесінде медициналық көмек көрсетуге үміткердің (үміткерлердің) халықтың санитариялық-эпидемиологиялық саламаттылығы саласындағы денсаулық сақтау субъектісінің өндірістік базасына (базаларына) рұқсат беру құжатының (құжаттарының) көшірмесі (көшірмелері);
4) басшының сенім білдірілген адамы өтінімге қол қойған және (немесе) ұсынған кезде сенімхаттың көшірмесі;
5) «Ресурстарды басқару жүйесі» АЖ, «Медициналық техниканы басқару жүйесі» АЖ (барлық денсаулық сақтау субъектілері), «Бекітілген халық тіркелімі» порталында (медициналық-санитариялық алғашқы көмек көрсетуге үміткер денсаулық сақтау субъектілері) деректерді енгізу және оларды өзектілендіру туралы келісімі.
Денсаулық сақтау субъектілерінің дерекқорын қалыптастыру жөніндегі нұсқаулықпен сатып алу веб-порталының басты бетіндегі «Анықтама» бөлімінде, бұдан әрі – «Медициналық қызметтерді сатып алу», «Денсаулық сақтау субъектілерінің дерекқорымен жұмыс істеу жөніндегі нұсқаулық» бөлімінде танысуға болады.
Портал пайдаланушыларына техникалық қолдау көрсету 24/7 (демалыссыз): 8 (7172) 73-55-20, sk-pharmacy@ecc.kz