Настройки
Настройки
Обычная версия
Әлеуметтік медициналық сақтандыру қоры

Main menu

Жұмыс беруші Жеке кәсіпкер Шаруа қожалығының мүшесi Шаруа қожалығының иесi Азаматтық-құқықтық келісімшарт бойынша жұмыс істейтін жеке тұлға Жалдамалы жұмыскер Азаматтардың жеңілдігі бар санаттары Өзге тұлғалар

Шаруа қожалығының иесi

ШАРУА ҚОЖАЛЫҚТАРЫНЫҢ ИЕЛЕРІНЕ

ЕГЕР СІЗ ШАРУА ҚОЖАЛЫҒЫНЫҢ ИЕСІ БОЛСАҢЫЗ

ҚАШАН ТӨЛЕЙМІЗ?

2017 жылдың 1 шілдесінен бастап - қарамағыңыздағы жұмыскерлер үшін

2020 жылдың 1 қаңтарынан бастап - өзіңіз үшін

МАҢЫЗДЫ: Арнайы режим бойынша жұмыс істейтін ЖК түріндегі шаруа қожалықтары 2017 жылдың 6 айының жарнасын 2018 жылдың 25 сәуіріне дейін төлейді

КІМ ҮШІН?

Өзі үшін және қарамағындағы жұмыскерлері үшін. Өзі үшін - ЖК ретінде, жұмыскерлері үшін - жұмыс беруші ретінде.

ҚАНША?

ЖҰМЫСКЕРЛЕР ҮШІН ЖАСАЛАТЫН АУДАРЫМДАР:

2017 жылы жұмыскер жалақысының 1%, 2018-2019 жылдары 1,5%, 2020 жылы - 2%, 2022 жылдан бастап 3% 

!!! Маусымдық жұмыстарды атқаратын қызметкерлер үшін жұмыс істеген уақыт үшін ғана жарна төленеді. Қазақстан республикасы Еңбек кодексінің 30 бабы, 1 тармағы 5) тармақшасына сәйкес, еңбек келісімшарты маусымдық жұмыстарды атқару уақытына ғана жасалады.

Еңбек келісімшартының мерзімі аяқталғаннан кейін жұмыскерге жарнаны өз бетінше төлеу қажеттігін айтып жеткізу қажет 

Олар 2020 жылдың 1 қаңтарынан бастап - 1 ЕТЖ-ның 5% көлемінде жарна аударады

МАҢЫЗДЫ:

Жұмыс беруші 2020 жылдың 1 қаңтарынан бастап жұмыс берушінің табысынан ай сайын 1 пайыз көлемінде жарна ұстап, қорға аударып отырады. Бірақ бұл жарна жеке тұлғаның жалпы табысының жиынтығынан алынады және жарна алынатын табыс көлемі он бес ең төменгі жалақыдан аспауы тиіс. 

НЕ ІСТЕУІМ ҚАЖЕТ?

1 қадам.

МӘМС төлемдерін банктің немесе «Қазпошта» АҚ кез-келген бөлімшесі арқылы аудару.

Жарнаны ай сайын немесе бірден бірнеше ай үшін аванс түрінде (әр ай үшін төлем хабарламасы/тапсырмасы арқылы) төлеуге болады.

Жұмыс берушілерге арналған төлем коды: 121

Жеке кәсіпкерлерге арналған төлем коды: 122

МАҢЫЗДЫ:

Алушының аты-жөні мен ЖСН дұрыс көрсетіңіз

2 қадам:

Қаржының қайтқан-қайтпағанын 2-3 жұмыс күні ішінде тексеріңіз

Егер ақша кері қайтарылмаса, Сіздің жұмыскерлеріңіз сақтандырылғандар тізіміне енгізілді деген сөз.

Ақша кері қайтарылған жағдайда деректерді қайта тексеріңіз.

Жиі кездесетін қателер

•        Алушының аты-жөні мен ЖСН дұрыс көрсетілмеген

•        Мөлшерлеме қате есептелді және жарна есептеу объектісі 10 ЕТЖ асып кеткен

3 қадам:

Есептілікті дайындау және салық әкімшілігіне тапсыру

4 қадам:

Жұмыскерлеріңізге сақтандыру төлемдерінің аударылғаны туралы хабарлаңыз

АЙЫППҰЛДАР:

Міндетті сақтандыру жарнасына қатысты қарыздарды өтеуге болады. Бірақ кешіктірілген әр күн үшін (қорға жарна төлейтін күнді қоса алғанда) қайта қаржыландыру мөлшерлемесінің 2,5 еселенген мөлшерінде өсімақы төленеді.

МАҢЫЗДЫ:

Төленетін қарыз мөлшері 12 айлық мерзімнен аспайды.

МӘМС ПАКЕТІНЕ КІРЕТІН ҚЫЗМЕТ ТҮРЛЕРІ

МСАК маманының және бейінді мамандардың жолдамасы бойынша консультациялық-диагностикалық көмек:

      1) «Халық денсаулығы және денсаулық сақтау жүйесі туралы» Қазақстан Республикасы Кодексінің (бұдан әрі – Кодекс) 155-бабының 7-тармағына сәйкес он сегіз жасқа дейінгі балаларды және он сегіз жастан үлкен адамдарды уәкілетті орган бекіткен тәртіппен және кезеңділікпен профилактикалық медициналық қарап-тексерулер;

      2) бейінді мамандардың ТМККК шеңберінде динамикалық байқауға жатпайтын аурулары бар адамдарды қабылдауы және консультациясы, оның ішінде:

      диагностикалық көрсетілетін қызметтер, оның ішінде көрсетілімдер бойынша, уәкілетті орган бекіткен тәртіппен маманның жолдамасы бойынша, зертханалық диагностика;

      Кодекстің 42-бабының 2-тармағына сәйкес уәкілетті орган бекіткен тәртіппен жоғары технологиялық медициналық көрсетілетін қызметтерді қолдану;

      уәкілетті орган бекітетін тәртіппен бейінді мамандардың медициналық манипуляциялар мен ем-шараларды орындауы;

      осы Тізбенің 5-тармағына сәйкес стационарды алмастыратын көмек көрсету;

      Кодекстің 88-бабы 1-тармағының 2) тармақшасына сәйкес дәрілік заттарға және медициналық бұйымдарға, оның ішінде белгілі бір аурулары (жай-күйлері) бар азаматтардың жекелеген санаттарына рецепт жазу, уәкілетті орган бекіткен тізбеге сәйкес амбулаториялық деңгейде дәрілік заттармен қамтамасыз ету;

      Кодекстің 59-бабының 2-тармағына сәйкес уәкілетті орган бекіткен тәртіппен жүргізілетін еңбекке уақытша жарамсыздыққа сараптама;

      3) уәкілетті орган бекіткен тізбе бойынша халықтың жекелеген санаттарына шұғыл және жоспарлы стоматологиялық көмек көрсету.

      5. Ауруларды ТМККК шеңберінде емдеу жағдайларын қоспағанда, стационарды алмастыратын көмек МСАК маманының немесе медициналық ұйымның жолдамасы бойынша ұсынылады және мыналарды:

      1) бейінді мамандардың қарап-тексеруін, консультацияларын;

      2) диагностикалық көрсетілетін қызметтерді, оның ішінде зертханалық диагностиканы;

      3) медициналық манипуляцияларды, ем-шараларды және хирургиялық операцияларды (эстетикалық пластикалық операцияларды қоспағанда) жүргізу арқылы дәрілік заттарды, медициналық бұйымдарды пайдалана отырып, емдеуге жатқызуға себеп болған ауруды және оның асқынуларын, өмірге қауіп төндіретін қосарласқан ауруларды емдеуді;

      4) Кодекстің 42-бабының 2-тармағына сәйкес уәкілетті орган бекіткен тәртіппен ұсынылатын жоғары технологиялық медициналық көрсетілетін қызметтерді қолдануды;

      5) уәкілетті орган бекіткен аурулар (жай-күйлер) тізбесі бойынша МСАК маманының немесе медициналық ұйымның жолдамасы бойынша медициналық оңалтуды және қалпына келтіру емін;

      6) қозғалысы шектеулі адамдарға жіті жай-күйлер және созылмалы аурулардың асқынуы кезінде үйдегі стационарды ұйымдастыруды қамтиды.

      6. Ауруханаға жатқызу жағдайларының жоспарланған саны шеңберінде ауруларды ТМККК шеңберінде емдеу жағдайларын қоспағанда, жоспарлы стационарлық көмек МСАК маманының немесе медициналық ұйымның жолдамасы бойынша ұсынылады және мыналарды:

      1) медициналық көрсетілімдер бойынша бейінді мамандардың қарап-тексеруін, консультацияларын, оның ішінде ақпараттық-коммуникациялық технологияларды пайдалана отырып;

      2) диагностикалық көрсетілетін қызметтерді, оның ішінде медициналық көрсетілімдер бойынша зертханалық диагностиканы;

      3) медициналық манипуляцияларды, ем-шараларды және хирургиялық операцияларды (эстетикалық пластикалық операцияларды қоспағанда) жүргізу арқылы дәрілік заттарды, медициналық бұйымдарды пайдалана отырып, емдеуге жатқызуға себеп болған ауруды және оның асқынуларын, өмірге қауіп төндіретін қосарласқан ауруларды емдеуді;

      4) Кодекстің 162-бабының 5-тармағына сәйкес қанды, оның компоненттерін дайындау, өңдеу, сақтау, өткізу номенклатурасына сәйкес қанмен, оның компоненттерімен, сондай-ақ уәкілетті орган бекіткен қанды, оның компоненттерін, препараттарын сақтау, құю тәртібіне сәйкес қанмен және оның компоненттерімен, препараттарымен қамтамасыз етуді;

      5) Кодекстің 42-бабының 2-тармағына сәйкес уәкілетті орган бекіткен тәртіппен ұсынылатын жоғары технологиялық медициналық көрсетілетін қызметтерді қолдануды;

      6) уәкілетті орган бекіткен аурулар (жай-күйлер) тізбесі бойынша МСАК маманының немесе медициналық ұйымның жолдамасы бойынша медициналық оңалтуды және қалпына келтіру емін;

      7) Кодекстің 59-бабының 2-тармағына сәйкес уәкілетті орган бекіткен тәртіппен жүргізілетін еңбекке уақытша жарамсыздыққа сараптаманы;

      8) Қазақстан Республикасы Бюджет Кодексінің 69-бабы 2-тармағының екінші абзацына сәйкес Қазақстан Республикасының Үкіметі бекіткен тамақтанудың заттай нормаларына сәйкес ұсынылатын емдік тамақтануды;

      9) стационар палатасында қосымша сервистік көрсетілетін қызметтерді (теледидар, тоңазытқыш, телефон байланысы, тапсырыс бойынша тағам, медициналық көрсетілімдер бойынша анықталған жағдайларды қоспағанда, палатада жалғыз жатқызу) ұсынусыз пациентке емдеуге жатқызудың барлық кезеңіне төсек-орын беруді;

      10) үш жасқа дейінгі баланы, сондай-ақ дәрігерлердің қорытындысы бойынша қосымша күтіп-бағуға мұқтаж ересек, науқасы ауыр балаларды күтіп-бағуды тікелей жүзеге асыратын анасына (әкесіне) немесе өзге адамға еңбекке уақытша жарамсыздық туралы парақ бере отырып, онымен медициналық ұйымда бірге болу мүмкіндігін ұсынуды;

      11) медициналық ұйымда баланы күтіп-бағу үшін болған барлық кезеңде бір жасқа дейінгі баланы емізетін ананы тегін тамақпен қамтамасыз етуді;

      12) балалар стационарлық медициналық ұйымдарында ойнау, демалу және тәрбие жұмыстарын жүргізу үшін қажетті жағдайлар жасауды қамтиды.

      7. Уәкілетті орган бекіткен тәртіппен МСАК маманының немесе медициналық ұйымның жолдамасы бойынша медициналық оңалту және қалпына келтіру емі.

      8. ТМККК-ге кірмейтін аурулардың патологиялық-анатомиялық диагностикасы.

      9. Міндетті әлеуметтік медициналық сақтандыру жүйесінде медициналық көмек көрсету кезінде дәрілік заттармен, медициналық бұйымдармен, мамандандырылған емдік өнімдермен, иммундық-биологиялық препараттармен қамтамасыз ету:

      1) денсаулық сақтау ұйымдарының дәрілік формулярларына сәйкес – стационарлық және стационарды алмастыратын көмек;

      2) Кодекстің 88-бабы 1-тармағының 2) тармақшасына сәйкес белгілі бір аурулары (жай-күйі) бар азаматтардың үшін дәрілік заттардың, медициналық бұйымдардың және мамандандырылған емдік өнімдердің уәкілетті орган бекітетін тізбесіне сәйкес амбулаториялық-емханалық көмек көрсету кезінде жүзеге асырылады.

      МӘМС жүйесінде медициналық көмек көрсету кезінде денсаулық сақтау субъектілері Қазақстан Республикасында тіркелген дәрілік заттарды, медициналық бұйымдарды, мамандандырылған емдік өнімдерді, иммундық-биологиялық препараттарды пайдаланады. Дәрілік заттар Қазақстандық ұлттық дәрілік формулярға енгізілуге тиіс.

      Кодекстің 7-бабы 1-тармағының 32) тармақшасына сәйкес Қазақстан Республикасында тіркелмеген дәрілік заттарды, медициналық бұйымдарды нақты пациенттің тіршілік көрсетілімдері бойынша медициналық көмек көрсету не сирек кездесетін және (немесе) аса ауыр патологиясы бар пациенттердің шектеулі контингентіне медициналық көмек көрсету үшін уәкілетті орган айқындаған тәртіппен қолдануға жол беріледі.

 

НЕ ӨЗГЕРМЕЙДІ?

Мемлекет тегін медициналық көмектің мынадай түрлеріне кепілдік береді:

1) жедел медициналық жәрдем және санитарлық авиация;

2) әлеуметтік мәні бар аурулар мен өкілетті орган тарапынан бекітілген тізімдегі айналасына қауіп төндіретін сырқаттарға шалдыққандарға, сондай-ақ, Қазақстан республикасының «Міндетті әлеуметтік медициналық сақтандыру туралы» Заңы бойынша МӘМС жүйесінде медициналық көмек алуға құқығы жоқ тұлғаларға көрсетілетін емханалық-амбулаторлық көмек. Оған мыналар кіреді:

  • алғашқы медициналық-санитарлық көмек;
  • алғашқы медициналық-санитарлық көмек маманының және салалық дәрігердің жолдамасы бойынша көрсетілетін консультациялық-диагностикалық көмек;

3) стационарлық көмек:

  • әлеуметтік мәні бар аурулар мен өкілетті орган тарапынан бекітілген тізімдегі айналасына қауіп төндіретін сырқаттарға шалдыққандарға көрсетілетін жоспарлы стационарлық көмек – жоспарлы түрде ауруханаға жатқызу саны шеңберінде бастапқы медициналық-санитарлық көмек маманының немесе өзге медициналық ұйымның жолдамасы бойынша;
  • шұғыл көрсетілімдер бойынша – жолдаманың бар-жоқтығына қарамастан;

4) алғашқы медициналық-санитарлық көмек маманының немесе өзге медициналық ұйымның жолдамасы бойынша, әлеуметтік мәні бар аурулар мен өкілетті орган тарапынан бекітілген тізімдегі айналасына қауіп төндіретін сырқаттар кезінде стационарды алмастыратын көмек;

5) профилактикалық екпелер.

6) паллиативтік көмек және мейірбике күтімі;
7) әлеуметтік мәні бар аурулармен ауыратын және айналасындағыларға қауіп төндіретін аурулар кезінде пациенттерге амбулаториялық дәрі-дәрмекпен қамтамасыз ету.