ЕГЕР СІЗ ЖҰМЫС БЕРУШІ БОЛСАҢЫЗ 

ҚАШАН ТӨЛЕЙМІЗ?

2017 жылдың 1 шілдесінен бастап ай сайын

КІМ ҮШІН ТӨЛЕЙМІЗ?

Жұмыскерлеріңіз үшін.

ҚАНША?

2017 ж. жұмыскердің жалақысынан 1%, 2018-2019 жж. – 1,5%, 2020 ж. – 2%, 2022 ж. кейін – 3%.

МАҢЫЗДЫ:

Егер қарамағыңыздағы жұмыскеріңіз жеңілдігі бар 14 санатқа кіретін болса (Нұсқаулықты қараңыз) ол үшін жарна аударудың қажеті жоқ. Жеңілдік қарастырылған санаттағы азаматтар үшін МӘМС жарнасын мемлекет төлейді.

ЕГЕР СІЗ ЖЕКЕ КӘСІПКЕР, ЖЕКЕШЕ НОТАРИУС, АДВОКАТ, КӘСІБИ МЕДИАТОР, ШАРУА ҚОЖАЛЫҒЫНЫҢ ИЕСІ БОЛСАҢЫЗ

ҚАШАН ТӨЛЕЙМІЗ?

2017 жылдың 1 шілдесінен бастап ай сайын

КІМ ҮШІН?

Өзіңіз және жұмыскерлеріңіз үшін. Өзіңіз үшін ДК ретінде, жұмыскерлеріңіз үшін – жұмыс беруші ретінде.

ҚАНША?

ӨЗІҢІЗ ҮШІН ЖАРНАЛАР:

2 ең төменгі жалақының 5%. 2017 ж. айына 2445,9 теңгені,  2018  жылы – айына 2828 теңгені құрайды

ЖҰМЫСКЕРЛЕР ҮШІН  ЖАСАЛАТЫН АУДАРЫМДАР

(Нұсқаулықты қараңыз).

ЕГЕР СІЗ ШАРУА ҚОЖАЛЫҒЫНЫҢ МҮШЕСІ БОЛСАҢЫЗ

ҚАШАН ТӨЛЕЙМІЗ?

2018 жылдың 1 қаңтарынан бастап.

КІМ ҮШІН? 

Өзіңіз үшін

ҚАНША?

2018 жылдың 1 қаңтарынан бастап 1 ең төменгі жалақының 5%. Бұл айына 1414 теңге.

МАҢЫЗДЫ:

Жарнаны аванс түрінде 3,6 немесе 12 айға төлеуге болады.

ЕГЕР СІЗ ШАРУА ҚОЖАЛЫҒЫНЫҢ ИЕСІ БОЛСАҢЫЗ

ҚАШАН ТӨЛЕЙМІЗ? 

2017 жылдың 1 шілдесінен бастап.

КІМ ҮШІН? 

Өзіңіз және жұмыскерлеріңіз үшін. Өзіңіз үшін жеке кәсіпкер ретінде, жұмыскерлеріңіз үшін – жұмыс беруші ретінде.

ҚАНША?

ЖҰМЫСКЕРЛЕР ҮШІН  ЖАСАЛАТЫН АУДАРЫМДАР:

2017 жылы жұмыскер жалақысының 1%, 2018-2019 жылдары – 1,5%, 2020 жылы – 2%, 2022 жылдан бастап – 3%

!!! Маусымдық жұмыстарда істейтіндер үшін жарна жұмыс жасаған мерзімі үшін ғана төленеді. Сондықтан Қазақстан республикасы Еңбек кодексінің 30-бабы 1-тармағына сәйкес, еңбек келісімшартын маусымдық жұмыстарды атқару мерзіміне ғана бекітуге болады.  

Еңбек келісімшартының мерзімі аяқталғаннан кейін жұмыскерлерге 2018 жылдың 1 қаңтарынан бастап өз бетінше, төменгі жалақының 5% немесе айына 1414 теңге көлемінде жарна төлеу қажеттігін хабарлаңыз.

ЖҰМЫСКЕРДІҢ БІЛГЕНІ ЖӨН :

2019 жылдың 1 қаңтарынан бастап жұмыс беруші өзі төлейтін аударымдарға қоса, жұмыскер жалақысының (жарна есептеу объектісінің) 1 пайызын ұстап, оның атына аударып отырады. Сонымен қатар, ай сайынғы жарна жеке тұлғаның барлық табысының жиынтық сомасынан есептеледі және оның ең жоғарғы мөлшері он бес төменгі айлық жалақыдан аспауы тиіс.   

ӨЗІҢІЗ ҮШІН (ШАРУА ҚОЖАЛЫҒЫНЫҢ ИЕСІ):

2 ең төменгі жалақының 5%. 2017 ж. айына 2445,9 теңгені,  2018  жылы – айына 2828 теңгені құрайды.

ЕГЕР СІЗ АЗАМАТТЫҚ-ҚҰҚЫҚТЫҚ  КЕЛІСІМШАРТ БОЙЫНША ЖҰМЫС ІСТЕЙТІН ЖЕКЕ ТҰЛҒА БОЛСАҢЫЗ

ҚАШАН ТӨЛЕЙМІЗ?

2017 жылдың 1 шілдесінен бастап келісімшарттың әрекет ету мерзімі ішінде ай сайын

КІМ ТӨЛЕЙДІ?

Көрсетілетін қызметті алушы жарнаны Сіздің табысыңыздан ұстап қалады және аударады.

ҚАНША?

Келісімшарт бойынша алынатын табыстан 5%.

МАҢЫЗДЫ:

Есептеу объектісі 15 ең төменгі жалақыдан аспайды

ЕГЕР СІЗ ЖАЛДАМАЛЫ ЖҰМЫСКЕР БОЛСАҢЫЗ

ҚАШАН ТӨЛЕЙМІЗ? 

2019 жылдың 1 қаңтарынан бастап ай сайын

КІМ ТӨЛЕЙДІ?

2017 жылдың 1 шілдесінен бастап Сіз үшін сақтандыру төлемдерін жұмыс беруші аударады (Нұсқаулықты қараңыз). Сонымен қатар, 2019 жылдың 1 қаңтарынан бастап жұмыс беруші Сіздің жалақыңыздан ай сайын жарна ұстап отырады және Әлеуметтік медициналық сақтандыру қорына аударады.

ҚАНША?

2019 жылы жалақыдан 1%, 2020 жылдан бастап – 2%.

ЕГЕР СІЗ АЗАМАТТАРДЫҢ-ЖЕҢІЛДІК БЕРІЛГЕН САНАТЫНА ЖАТАТЫН БОЛСАҢЫЗ, сіз үшін жарнаны мемлекет төлейді.

МЕМЛЕКЕТ ТАРАПЫНАН САҚТАНДЫРЫЛАТЫН ЖЕҢІЛДІГІ БАР АЗАМАТТАРДЫҢ САНАТЫ:

1) балалар;

2) жұмыссыз ретінде ресми тіркелген адамдар;

3) жұмыс істемейтін жүкті әйелдер;

4) үш жасқа толмаған бала (балалар) тәрбиесімен аналысатын жұмыс істемейтін азаматтар;

5) бала (балалар) туу немесе жаңа туған сәбиді (сәбилерді) асырап алуға байланысты, баласы (балалары) үш жасқа толғанға дейін оның (олардың) күтіміне байланысты демалыс алған адамдар;

6) мүгедек бала күтімімен айналысатын жұмыс істемейтін азаматтар;

7) зейнеткерлер, оның ішінде Ұлы Отан соғысының қатысушылары мен мүгедектері;

...

ЕГЕР СІЗ ТҰРАҚТЫ ТАБЫСЫ ЖОҚ ЖӘНЕ МЕМЛЕКЕТ ТАРАПЫНАН САҚТАНДЫРЫЛАТЫН АЗАМАТТАР САНАТЫНА КІРМЕЙТІН ЖЕКЕ ТҰЛҒА БОЛСАҢЫЗ (Нұсқаулықты қараңыз).

ҚАШАН ТӨЛЕЙМІЗ?

2018 жылдың 1 қаңтарынан бастап ай сайын

КІМ ҮШІН?

Өзіңіз үшін  

ҚАНША?

1 ең төменгі жалақының 5% немесе 2018 жыл жағдайында 1414 теңге.